Competition between different robots at Can Infotech, with more than 60 stalls
Jan 7, 2020
वीरगंज। आगामी माघ ९ गतेदेखि वीरगंजमा प्रदेशस्तरीय पाँचदिने सूचनाप्रविधि मेला क्यान इन्फोटेक गरिने भएको छ।
कम्प्युटर एसोसिएसन नेपाल महासंघ (क्यान) पर्साको आयोजना तथा क्यान महासंघ प्रदेश २ को संयोजकत्वमा हुने मेलामा सूचनाप्रविधि र सञ्चारको ब्यापकतालाई समेटिने आज पत्रकार सम्मेलनमार्फत जानकारी गराइएको छ।
क्यान पर्साका अध्यक्ष दीपक साहले वीरगंजको नगर सभागृहमा भव्य रुपमा यसपालीको इन्फोटेक मेला आयोजना हुने बताए। मेला आयोजनाका लागि करिब ३४ लाखको खर्च लाग्ने उनले जानकारी दिए। प्रदेश २ मा सूचनाप्रविधि बारे जनचेतना बढाउन र त्यसका लागि चाहिने प्रविधि उपलब्ध गराउनका लागि पनि इन्फाटेक मेला केन्द्रीत रहने विश्वास व्यक्त गरिएको छ। मेलाको अवसरमा एकै थलोमा सूचना तथा सञ्चार प्रविधिका नौला प्रविधि र उपकरणको अवलोकन तथा खरिद गर्न पाइने आयोजकले जनाएको छ।
‘यसले व्यवसायी तथा ग्राहकका लागि अन्तर्क्रियाको एउटा प्ल्याटफर्म सिर्जना गर्नेछ,’ साहले भने, ‘ग्राहकसँगको छलफलबाट व्यवसायीले आफ्ना वस्तु तथा सेवाको आपूर्तिमा सुधार ल्याउन सक्नेछन्। आजको प्रविधिको युगमा कुन सामान कतिको विकसित र सहज रूपमा आएको छ, त्यो पनि हेर्न मिल्छ।’
स्वदेशी, विदेशी कम्पनी तथा व्यवसायीहरू बीच नेटवर्क सिर्जना गर्ने लक्ष्य रहेको बताउँदै उनले मेलामा आइसिटी एसेसिरिज, गेम पार्लर, प्रडक्ट लञ्चिङ, रकेट प्रदर्शनी, रोबोटिक्स, इ–वेष्ट म्यानेजमेण्ट, वाइफाई, इन्टरनेट र लर्निङ सेन्टर, आइटी कलेजका विद्यार्थीद्वारा निर्माण गरेका प्रोजेक्ट तथा रोजगार केन्द्र मुख्य हुने आयोजकले जनाएको छ।
मेलामा नेपालका विभिन्न इन्जियिनरिङ कलेजका विद्यार्थीहरूले बनाएका गरेका रोबोटहरूको प्रतिस्पर्धा पनि गराइने उनले बताए। प्रतियोगिताका विजेतालाई उचित पुरस्कार पनि दिइने प्रदेश २ का अध्यक्ष आलोककुमार चौरसियाले बताए।
पोहोरको मेलामा गत वर्ष ४० वटा स्टल थिए । यसपाली ६० भन्दा बढि व्यापारिक स्टल राखिने आयोजकले जनाएका छन्। आर्टिफिसियल इन्टेलिजेन्स सम्बन्धि जानकारी, आइटी कलेज, बैंक, बीमा तथा लेखा सम्बन्धी सफ्टवेयर, सरकारी क्षेत्रमा प्रयोगमा आएका तथा आउने सफ्टवेयर, सेल्फ लर्निङ सफट्वेयर तथा ट्युटोरियल आदि पनि क्यान इन्फोटेकको मेलामा राखिने बताइएको छ। यो पटकको मेला ५० हजार जनाले अवलोकन गर्ने अनुमान छ।
Source: bizmandu.com
Related
-
May 4, 2022
Stakeholder emphasis on improving the 'Digital Nepal Framework'
-
Mar 29, 2022
E-commerce going strong despite reopening of street markets
-
Feb 7, 2022
E-commerce shines as pandemic bites
-
Feb 7, 2022
Daraz launches ‘Celebrate Love’ campaign
-
Feb 7, 2022
7 Social Commerce Tips & Who’s Doing It Right
Recent News
-
May 4, 2022
Stakeholder emphasis on improving the 'Digital Nepal Framework'
-
Mar 29, 2022
E-commerce going strong despite reopening of street markets
-
Feb 7, 2022
E-commerce shines as pandemic bites
-
Feb 7, 2022
Daraz launches ‘Celebrate Love’ campaign
-
Feb 7, 2022
7 Social Commerce Tips & Who’s Doing It Right
-
Jul 12, 2021
Growth of Internet in Nepal